Wara l-ħruġ tal-għaxar sejħa għal proposti ta’ proġetti taħt l-Objettiv Nazzjonali ta’ Akkoljenza/Ażil tal-Fond għall-Ażil, il-Migrazzjoni u l-Integrazzjoni (AMIF) mill-Awtorità ta’ Ġestjoni (MA), il-Ministeru għall-Intern, Sigurtà, Riformi, u Ugwaljanza (MHSR), daħlet fi proġett bl-isem, “Provvista ta’ Materjal ta’ Għajnuna u Servizzi ta’ Appoġġ biex Jgħinu lil dawk li jfittxu l-ażil”.

L-Aġenzija għall-Benessri ta’ Dawk li Jfittxu Ażil (AWAS) sieħba fil-proġett, tappartjeni lill-MHSR u joperaw il-proġett f’Ċentri differenti billi jipprovdu għajnuna materjali u servizzi eliġibbli permezz tal-komponenti tal-proġett elenkati hawn taħt;

Komponenti Eliġibbli

• Tqassim tal-Ikel (kolazzjon, ikla, u pranzu)
• Servizzi mediċi
• Servizzi ta’ appoġġ li jvarjaw mis-servizzi ta’ koordinaturi, ħaddiema soċjali, u ħaddiema ta’ appoġġ.
• Per diem imħallas lil Persuni li jfittxu Ażil*.

Għanijiet tal-Proġett

• Li tipprovdi appoġġ kontinwu għal attivitajiet li jsiru ta’ kuljum li jinkludu t-tqassim tal-ikel u l-għoti ta’ servizzi mediċi;
• Li tappoġġja lil dawk li jfittxu l-ażil, psikoloġikament u emozzjonalment bl-għajnuna ta’ ħaddiema soċjali u ħaddiema ta’ appoġġ (speċjalment għal dawk li jinstabu li jbatu minn trawma wara l-vjaġġ tagħhom).

Tul tal-Proġett

Data tal-bidu tal-implimentazzjoni tal-proġett: Jannar 2014

Data tat-tmiem tal-proġett: Diċembru 2023

L-ispiża totali eliġibbli ta’ dan il-proġett tammonta għal €8,480,420.48 (li minnhom 75% jammontaw għal €6,360,315.36 huma Fondi tal-UE u 25% li jammontaw għal €2,120,105.12 huma Fondi Nazzjonali).

* Per diem imħallas lil Persuni li jfittxu Ażil skont il-Leġislazzjoni Sussidjarja ta’ Akkoljenza ta’ Persuni li Jfittxu Ażil 420.06 Regolamenti dwar Akkoljenza ta’ Persuni li jfittxu Ażil emendati minn: L.N. 417 tal-2015.