Sejħa għal Servizzi ta’ Għajnuna Legali

Il-Ministeru għall-Intern, is-Sigurtà u x-Xoghol qiegħed ifittex is-servizzi legali ta’ avukati għal każijiet ta’ appell ippreżentati minn ċittadini ta’ pajjiżi terzi quddiem it-Tribunal tal-Appelli għall-Protezzjoni Internazzjonali u l-Bord ta’ l-Appelli dwar l-Immigrazzjoni.

Kull avukat magħżul ikun meħtieġ iwettaq l-kompiti li ġejjin:

• Jiltaqa’ ma’ l-appellanti bi tħejjija għas-sottomissjoni tal-każ;
• Jippreżenta sottomissjonijiet tal-każ lit-Tribunal tal-Appelli għall-Protezzjoni Internazzjonali u lill-Bord tal-Appelli dwar l-Immigrazzjoni sad-data stabbilita mill-Bord;
• Jattendi s-seduti tal-Bord;
• Isegwi l-appell skont il-bżonn.

L-avukati magħżula jitħallsu bir-rati kif indikati fit-termini ta’ referenza.

Biex tesprimi l-interess tiegħek jekk jogħġbok ibgħat is-CV u l-kopja tal-warrant tiegħek fuq [email protected] sa mhux aktar tard mis-6 ta’ Mejju 2026 f’nofsinhar.

Għal aktar informazzjoni, jekk jogħġbok, itlob it-termini ta’ referenza billi tibgħat email fuq [email protected] jew inkella tkun tista’ tniżżel id-dokumentazzjoni minn fuq sigurta.gov.mt/legalaid

Dan il-proġett huwa kkofinanzjat mill-Unjoni Ewropea.